MAPROMOTO WA 2 WATIWA MIKONONI MWA MWA POLISI BAADA YA KUSHINDWA KUMLIPA BONDIA PHIL WILLIAMS MILION 12.

Jeshi la polisi kanda maalum ya Dar es Salaam linawashikilia mapromota wawili wa mchezo wa ngumi baada ya kushindwa kumlipa bondia Phil Williams wa Marekani  shilingi milioni 12 ikiwa ni makubaliano baina ya  bondia huyo na mapromota hao kwa ajili ya kucheza  pambano la kuwania ubingwa wa dunia (WBF) dhidi Francis Cheka Ijumaa iliyopita Jijini Dar es Salaam.

Kamanda wa kanda maalumu ya DSM Suleiman Kova akizungumza na waandishi wa habari jijini Dar es Salaam amesema mapromota hao wanashikiliwa kwa kukiuka mkataba na kutoweka huku wakimwacha  bondia huyo mmarekani kushindwa kuondoka nchini akidai malipo yake.

Pambano hilo la WBF licha ya Cheka kuibuka na ushindi lilitawaliwa na dosari kadhaa zilizochangiwa na mapromota hao zikiwemo baadhi ya mabondia kugoma kupanda ulingoni wakitaka kwanza walipwe haki zao.

Wakati huo huo jeshi la polisi linawashikilia watu wanne baada ya kukutwa na Copyuta nne zilizokuwa zikitumika kudurufu kazi za wasanii mbali mbali wakiwemo wa muziki pamoja na filamu.